ስደቶቻችን እና ጩኸቶቻችን

መግቢያ

ስደት - በብዙ ኃይላት የመገፋት ውጤት፥
ከአላስኖር ባይ - ከጦርነት፥
ከድህነት እስከ ሰብአዊ መብት ማጣት፥
ከሰይጣናዊ ጠላት ሽሽት።
እየተቀየረ መጥቷልና ይዘቱ - መጠኑ - እጅግ ገዝፎ የስደታችን፥
አሳሳቢ ሆኗልና፥ አቅጣጫው የሂደታችን፥
እስቲ የጊዜውን ሁኔታ እንመልከተው አብረን፥
አብረንም እንጩህ እንዲሰማ ጸሎታችን።
እናንተም የቀድሞ ስደተኞች፥
ተሰዶ - ተሳዶ መኖርን የቀመሳችሁ፥
ምንም እንኩኣን ዛሬን ቢደላችሁ፥
አትለዩ ከዛሬዎቹ ስደተኞች፥
የዛሬው ስደት ሆኗልና የሞት ሽረት፥
ቁኣሚና ሟቹ መሳ ለመሳ የሆነበት።
ከየትም አገር ቢሆን ከየት፥
ከፍቶት ካገሩ የተሰደደን ሰው እንዘንለት፤
በአካልም ባይሆን በመንፈስ እንድረስለት።