የአማርኛ ግጥሞች/Amharic Poems

"This house is empty, but full of ideas".

Press the poems button to read Amharic poems

ግጥሞች ግጥምጥሞች

ሃሳብ ሲበራከት፥ ሲከብድ፥ ለመግለጽ ሲያስቸግር፥

ቋንቋም አልበቃ ሲል፥ በአፍ የሚነገር፥

ቢነገሩም፥ ተነግረው፥ ተነግረው ለማያልቁ ግትልትል ሃሳቦች፥

ጉራማይሌ ስሜቶች፥ “እንግዲህ በቃ!” የሚሉ፥ ስንኞች፥

“በቃ! ይኸው ነው ባጭሩ” የሚሉ፥ አጫጭር ቃሎች፥

የነገር መቋጥሮች፥ መተከዢያ ትዝታዎች፥

የሃሳብ ጭማቂዎች፥ የቅርቡን አጉሊዎች፥

የጥንቱን አስታዋሾች፥ ጊዜን ደምሳሾች፥ ፈጣን ባቡሮች፥

ቅዠትም ቢመስሉ፥ እውነታዎች፥

የሰማዩና የምድሩ ንኪኪዎች፥ ተስፋዎች፥ ልዩ መስተዋቶች፥

የእንባ ማድረቂያዎች፥ የናፍቆት አስታጋሾች፥

የፍቅር መግለጪያዎች፥ ማስተማሪያና ማወደሻ ቅኔዎች፥

መደሰቺያ ዘፈኖችና መዝሙሮች፥

መጸለያ ቅዳሴዎች።

ለእንቅስቃሴዎቻችን መንፈሳዊ ገጽታ ብንሰጣቸው!

If only our actions are connected to spiritual reflections !!

ሁሉም ከሁሉም ጋር ይያያዛል፤

ከሁሉም "በስተጀርባ" መንፈሳዊ ነጸብራቅ ይኖራል።

Everything is connected to everything, with spiritual reflections "behind"

አምላክ ሆይ! እባክህ አንተ የሚያቀራርበንን ጥበብ ለግሰን።

ሁሉም